Хичээлийн шинэ жил эхлэх гэж байгаатай холбогдуулан замын хөдөлгөөний ачааллыг зохицуулах зорилгоор тээврийн хэрэгслүүдийг тэгш, сондгой дугаарын хязгаарлалтаар замын хөдөлгөөнд оролцуулахаар болжээ. Энэ талаар өнөөдөр болсон Өвөлжилтийн бэлтгэл ажилтай танилцах өргөтгөсөн хуралдаанд танилцууллаа.

Наймдугаар сарын 18-нээс эхэлж нийтийн тээврийг дэмжих арга хэмжээ авч ажиллаж эхэлжээ. Нийтийн тээврийг дэмжихээр 44 хяналтын камер, 30 цагдаа, 38 шалгагч байцаагч ажиллаж байгаа аж.

Наймдугаар сарын 25-наас эхэлж тэгш сондгой дугаарын хязгаарлалтаар замын  хөдөлгөөнд оролцоно.

Тодруулбал, ТЭГШ ТООГООР ТӨГССӨН БОЛ: Наймдугаар сарын 26, 28, 30-нд, Есдүгээр сарын 2, 4, 6, 8, 10, 12, 14-нд хөдөлгөөнд оролцоно.

СОНДГОЙ ТООГООР ТӨГССӨН БОЛ: Наймдугаар  сарын 25, 27, 29, 31-нд, Есдүгээр сарын 3, 5, 7, 9, 11, 13-нд хөдөлгөөнд оролцоно. Харин есдүгээр сарын 1-нд бүх автомашин хөдөлгөөнд оролцох аж.