Хэдэн зуун сая воны бэлэн мөнгөтэй танилынхаа цүнхийг хулгайлан гадагшаа зугтаах гэж байсан Хятадын иргэн эрэгтэйг Инчоны нисэх онгоцны буудал дээр баривчилжээ.

Инчон хотын Мичухол дүүргийн цагдаагийн газар 4-ний өдөр Хятадын иргэн, 30-аад настай А-г хулгайн хэрэгт сэжиглэн яаралтай баривчилсан тухайгаа мэдэгдлээ.

А нь энэ сарын 2-ны өдөр орой 6 цаг 20 минутын орчим Инчон хотын Мичухол дүүрэгт байрлах нэгэн зочид буудлын хүлээлгийн танхимд 40 орчим настай Хятадын иргэн эмэгтэй B-гийн бэлэн мөнгөтэй цүнхийг хулгайлж оргон зайлсан хэрэгт сэжиглэгдэж байна.

B-гийн цүнхэнд тус бүр 10 сая вонын дүнтэй 10 ширхэг чек болон 900,000 хонгконг доллар (ойролцоогоор 1 тэрбум 630 сая вонын үнэтэй) зэргийг багтаасан нийт 2 тэрбум 600 сая вонын үнэ бүхий мөнгө байжээ.

А нь өмнө нь танил байсан B нь бизнес эрхэлдэг, их хэмжээний бэлэн мөнгө авч явдаг гэдгийг мэдэж байсан тул уг хэргийг үйлдсэн гэж цагдаагийн байгууллагаас үзэж байна.

Цагдаа нар зочид буудлаас оргон зайлсан А-гийн зугтах замыг мөрдөн мөшгөөд, 3-ны өдөр үүрээр Инчоны нисэх онгоцны буудал дээрээс баривчилжээ.