Улсын Их Хурлын дарга Н.Учрал, Хууль зүй, дотоод хэргийн  сайд Б.Энхбаяр, зүүн бүсээс сонгогдсон гишүүдийн хамт  Дорнод аймагт ажиллан, иргэдтэй уулзлаа. 
Улсын Их Хурлын дарга Н.Учрал төрийн үйлчилгээг иргэдэд төвөггүй хүргэхэд чиглэсэн “Чөлөөлье” санаачилга дэвшүүлэн, иргэдийн эрх, эрх чөлөөг хязгаарласан хууль тогтоомж, давхардлыг  бууруулахаар ажиллаж буйгаа танилцуулав. 

Дорнод аймгийн иргэдийн төлөөлөл орон нутагт ажиллаж амьдарч байгаа иргэдийг татварын бодлогоор дэмжих,  бага насны хүүхдийг гэмт хэрэг зөрчилд өртөхөөс урьдчилан  сэргийлэх, уул уурхай дагасан хууль бус байдлыг бууруулах, хууль хяналтын байгууллагын ил тод байдлыг сайжруулах болон авлига, албан тушаалын гэмт хэрэгт холбогдсон хүмүүст хариуцлага тооцуулах асуудалд  бүх шатанд шударга ёсыг хэлбэрэлтгүй хэрэгжүүлэхийг иргэдийн зүгээс  тогтмол шахаж, шаардаж ажиллана гэдгээ илэрхийллээ.