Авлигатай тэмцэх газраас түрээсийн мопед, скүүтерийн үйл ажиллагаанд хяналт тавьж, хууль тогтоомжид нийцүүлэх зорилгоор холбогдох албан бичгийг нийслэлийн Засаг даргад хүргүүлсэн байна.

Тодруулбал, нийслэлийн Засаг даргын 2026 оны А/387, А/552 дугаар захирамжуудыг 2026 оны зургаадугаар сарын 2-ны өдрийн А/820 дугаар захирамжаар хүчингүй болгосон тухайгаа мэдэгдлээ.

Тус газар нийслэлийн Засаг даргын захирамжийг хянаж, хууль тогтоомжийн хүрээнд эрх бүхий этгээдээс шийдвэр гаргуулан түрээсийн мопед болон скүүтерээр зорчих чиглэл, байршил, гудамж, талбай, замын трансыг тодорхой болгох, зөвшөөрлийг “Зөвшөөрлийн тухай” хуульд нийцүүлэх, 18 насанд хүрээгүй иргэн ашиглах боломжгүй болгох, явган хүний замаар зорчуулахгүй тохиргоо тохируулга хийх, бүрэн бүртгэлжүүлэх, “Замын хөдөлгөөний тухай” хуульд заасан аюулгүй байдлыг бүрэн хангуулсны дараа үйл ажиллагаа явуулах талаар хүргүүлсэн албан бичгийн хүрээнд энгийн зөвшөөрлийн хэрэгжих хугацааг хойшлуулах, дурдагдсан нөхцөл байдал арилсны дараа үйл ажиллагаа явуулах болсон байна.

Ингэснээр үйл ажиллагаа эрхлэгч байгууллагууд өнөөдрөөс хуульд нийцүүлж, аюулгүй байдал бүрэн хангагдах хүртэл үйл ажиллагаа явуулахгүй аж.