УИХ-ын хаврын ээлжит чуулганы өчигдрийн хуралдаанаар Сонгуулийн ерөнхий хорооны даргаар Н.Мягмарыг томилжээ.

СЕХ-ны даргыг томилох нууц санал хураалтад 103 гишүүн оролцож, 75 нь дэмжсэн байна. Түүнийг УИХ-ын Төрийн байгуулалтын байнгын хорооноос санал болгосны дагуу томилж байгаа юм. СЕХ-ны даргаар сонгогдсон Н.Мягмарын товч танилцуулгыг хүргэе.  

Боловсрол:

1994-1998 онд МУИС-ийн Хууль зүйн сургуулийг эрхзүйч мэргэжлээр төгссөн.

1999 онд МУИС-ийн Хууль зүйн сургуульд хууль зүйн магистр зэрэг авсан.

2005 онд Америкийн их сургууль болон Вашингтоны Хуулийн коллежийн Хууль зүйн ухааны магистраар дүүргэсэн.

Ажлын туршлага:

1999-2006 онд МУИС-ийн Хууль зүйн сургуульд багш,

2006-2007 онд ХЗДХЯ-ны Хууль зүйн бодлогын газар болон Төрийн захиргааны удирдлагын газарт ахлах мэргэжилтэн,

2007-2009 онд ХЗДХЯ-ны Төрийн захиргааны удирдлагын газрын дарга,

2009-2010 онд ХЗДХЯ-ны харьяа Хууль зүйн үндэсний хүрээлэнгийн захирал,

2010-2012 онд “Монголын хөлөг онгоцны бүртгэл” компанийн захиргааны менежер,

2012-2014 онд ХЗДХЯ-ны Төрийн захиргааны удирдлагын газрын дарга,

2014-2016 онд Монгол Улсаас АНУ-ын Сан Франциско хотод суугаа Ерөнхий консулын газарт Консул,

2017-2018 онд Азийн хөгжлийн банкны төслийн Төсөл хэрэгжүүлэх нэгжийн менежер,

2018-2023 онд ЗГХЭГ-ын Хууль, эрх зүйн газрын дарга,

2023-2024 онд УИХ-ын Тамгын газрын Хууль, эрх зүйн газрын дарга,

2024-2026 онд ХЗДХЯ-ны Төрийн нарийн бичгийн дарга

2026 оны 5-р сараас ЗГХЭГ-ын дэд даргаар ажиллаж байв.