Сагсан бөмбөгийн 3х3 төрлийн ДАШТ-ээс мөнгөн медаль хүртсэн эмэгтэйчүүдийн шигшээ багийн тамирчдад Ерөнхийлөгчийн зарлигаар төрийн дээд одон медаль гардуулсан билээ.

Тэгвэл Монгол Улсын Засгийн газраас Монголын 3х3 сагсан бөмбөгийн эмэгтэй шигшээ багт Ерөнхий сайдын нэрэмжит шагнал болох 500 сая төгрөгийн урамшуулал олгов. Үүнийг олимп, дэлхийн аварга шалгаруулах тэмцээнд амжилт гаргасан тамирчдыг урамшуулах хуулийн хүрээнд шийдэж байгаа аж.

Харин Нийслэлийн Засаг даргын Тамгын газраас Монголын 3х3 сагсан бөмбөгийн эмэгтэй шигшээ багийн дөрвөн тамирчин тус бүрд 150 сая төгрөгийн үнэ бүхий орон сууц олгох гэрчилгээг гардуулсан байна.

Түүнчлэн Соёл, спорт, аялал жуулчлалын яамнаас шигшээ багийн дасгалжуулагчид 50, тамирчин тус бүрд 25 сая төгрөгийн нэг удаагийн урамшуулал олголоо. Үүнээс гадна 3х3-ын шигшээ багийн тамирчид 2026 оны нэгдүгээр сарын 1-нээс сар бүр нэг сая төгрөгийн урамшуулах юм.